Identifikation
Titel
Knappe Hinrich Hoet verkauft dem Bremer Ratsangehörigen Bernd Balleer für fünfundzwanzig Mark wiederkäuflich sein halbes Land mit der Hofstelle (were) zu Rade auf dem Süderende gelegen by der Damstede.
Ausfertigung Pergament, 30 x 17,5 cm. - Rep. 3 Lilienthal, Nr. 532. - 4 Siegel angehängt, 2. fehlt: 1. Hinrich Hoet, 3. Gerd von Quernum, 4. Walkenhaer von der Hagen, alle von dunkelgrünem Wachs in gelber Schüssel.
Ik Hinric Hoed, knape, bekenne unde betuge opembare in desseme breve, dat ik myt willen unde vulborde alle myner erven hebbe/ vorkoft unde vorkope to eneme steden vasten ervekope unde lathe vort in de besittinghe, eghendum unde were in craft desses breves/ deme beschedenen manne Bernde Ballere, radmanne to Bremen, sinen erven unde deme holdere desses breves myt sinen willen vor/ vif unde twintich Bremere mark, so to Bremen vor der wessele ghinge unde gheve is, de my van Bernde deger al wol betalet sind,/ myn halve land ghelegen to Rode up deme Suderende mit der were gelegen by der Damstede tiegen myns broders Luder/ Hoedes were, de to deme halven lande heord, dat Luder deme erbenanten Bernde nae lude sines breves rede vorkoft heft. Des siik de/ ene were nae deme diike unde de ander nae deme velde strecket, myt ackere, buwet unde unghebuwet, myt upsate, afsate, mit/ rechte, unrechte unde vord myt aller slachtenuth, rechticheit unde tobehoringe, nicht utesproken, vor vrii ervegud. Unde/ ick Hinric erbenant unde myne erven willen unde schullen deme genanten Bernde Ballere, sinen erven edder deme holdere desses breves vor/screven des vorbenanten halven landes mit alle siner rechticheit unde tobehoringe rechte warende wesen unde waerschup doen, wanne,/ wore unde wo vaken on des noet unde behoef deit unde se dat van uns esschet edder esschen latet. Ok heft my Bernd erbenant vor/ siik unde sine erven unde vor den holder desses breves vorscreven de gnade hir
Laufzeit
10.05.1469
Enthält
ynne gheven, dat ick Hinric Hoed erbenant edder my/ne erven dat vorscrevene halve land mit siner rechticheit van on alle yar up sunte Peters dach, alz he up den stoel ward ghesath,/ bynnen Bremen moghen wedder kopen vor de erbenanten vif unde twintich Bremere mark, wo wy on den wedderkop thovorn vorkundi/ ghen in den hilghen twolf daghen to Winachten denne negestkomende vor deme vorscrevenen sunte Peters dage, alz wy den wedderkop/ doen willen. Alle desse vorscrevenen stucke love ik Hinric Hoed erbenant vor my unde myne erven deme genanten Bernde Ballere, sinen/ erven unde deme holdere desses breves mit sinen willen in guden truwen by myner ere in ede staed stede vast unde unvorbro/ken wol to holdene sunder alle hulperede, nygevunde unde argelist. Des to tuo tuge hebbe ik Hinric Hoed erbenant vor my unde my/ne erven myn rechte ingesegel witliken unde myt guden willen tovorne to desseme breve ghehangen. Unde wenth wy/ Nicolaus Plate, vicarius, Gerd von Quemum, droste to Delmenhorst, unde Walkenhaer van der Haghen, knapen, hir hebben/ an unde over ghewesen, dat desse ervekoep mit der gnade des wedderkopes aldus vor uns van deme genanten Hinrike Hode/ is gescheen in mathe, so vorscreven steit, so hebben wy to merer tuchenisse umme des genanten Hinrikes bede willen unse ingesegele/ ok to desseme breve ghehangen. Geven nae godes bord verteinhundert yar dar nae in deme neghen unde sestigesten jare, an/ deme hilghen avende godes Hemmelvuard.
Index-Gruppe
GEOB
Damstede, FN in Rade
PERS
Balleer, Bernd, Bgm/Rm in Bremen (1456-1489)
SACH
Hagen, Walkenhaer von der
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen