Identifikation
Titel
Der Bremer Bürger Hinrich Wulf der Jüngere verkauft an Dedewerd Becker für fünfundzwanzig Rheinische Gulden wiederkäuflich sein Viertel eines Gutes zu Horn und seinen vierten Anteil eines Viertel Landes in Lehe.
Ausfertigung Pergament, 24,5 x 21 cm. - Rep. 3 Lilienthal, Nr. 525. - 3 Siegel angehängt: 1. Hinrich Wulf, 2. Hinrich von Varle, Siegel von Varle (2) nach Trüper, Ritter und Knappen, S. 921, 3. Borcherd Voghet, alle Siegel von schwarzem Wachs in gelber Schüssel. - Rückvermerk: Desse mach men losen (15./16. Jh.).
Ik Hinric Wulf de junger, borger to Bremen, bekenne unde betuge opembare in desseme breve, dat ik/ myt willen unde vulborde alle myner erven hebbe vorkoft unde vorkope to eneme steden vasten/ ervekope unde lathe vort in de besittinghe, eghendum unde were in craft desses breves deme be/schedenen manne Dedewerde den Becker, ok borger to Bremen, sinen erven unde deme holdere/ desses breves myt eren willen vor vyff unde twintich gude Rinsche gulden, so to Bremen vor/ der wessele ghinge unde gheve sind, de my deger all to willen wol betalet sind, myn verden/deel in eneme gude to deme Heorne, des dat ander verdendeel seligen Engelberd Sparenberges hus/vrouwen unde dat halve ghud deme genanten Dedewerde thohoren, unde dar to myn verde pard/ in eneme veertel landes in der Lede, des dat ander veerde pard der Sparenbergesschen vrowen unde/ dat halve veertel deme erbenanten Dedeworde to horen, dat veerdendeel to deme Hoerne Johan Harstede unde/ dat veerde pard in deme veertel tor Lede Hinric Halfpape nu tor tiid buwen, myt ackere buwet unde/ unghebuwet, myt wissche, weyde, struke, holte, heyde, watere, mit upsate unde afsate, rechte/ unde unrechte, unde vort myt aller slachtenuth, rechticheyt unde tobehoringe vrii unde quiit,/ utesproken den tegheden. Unde ik Hinric erbenant unde myne erven willen unde schuilen deme/ genanten Dedewerde, sinen erven unde
Laufzeit
25.06.1465
Enthält
deme holdere desses breves vorscreven des vorgerorden verdendeel landes/ to deme Heorne unde des veerden partes in der Lede mit alle siner rechticheyt unde tobehoringhe/ rechte warende wesen unde waerschup doen, wanne, wore unde wo vakene on des noet/ unde behoeff deyt unde sze dat van uns esschet edder esschen lathet. Ok heft my de genante/ Dedewerd vor siik, sine erven unde vor den holder desses breves de gnade hiir umme ghegeven,/ dat ik unde myne erven dat erbenante verdendeel to deme Hoerne unde dat vorbenante veerde pard/ tor der Lede myt alle eren tobehoringen vorscreven van on alle iar uppe sunte Peters dach, alz he/ uppe den stoel ward ghesath, mogen wedder kopen vor de vorgerorden vyff unde twintich/ Rinsche guldene, wo wy den wedderkoep thovorne vorkundighen in den hilgen twolf da/ghen to Wynachten denne negest komende vor deme vorscrevenen sunte Peters dage, alz wy den wed/derkoep doen willen. Alle desse vorscrevenen stucke love ik Hinric Wulf erbenant vor my unde my/ne erven deme genanten Dedewerde den Becker, sinen erven unde deme holdere desses breves vorscreven/ in guden truwen stede vast unde unvorbroken wol to holdene sunder argelist. Des to tuge so/ hebbe ik Hinric Wulff erbenant vor my unde myne erven myn rechte ingesegel witliken unde mit/ guden willen thovoren to desseme breve gehangen. Unde wend desse vorscrevene ervekoep myt der/ gnade des wedderkopes aldus vor uns ghescheen unde bekand ys, so vorscreven steyt, so hebben/ wy Hinric van Varle unde Borcherd Voghet, raedmanne to Bremen, umme des genanten Hinric/ Wulves bede unnsze ingesegele to merer tuchenisse ok to desseme breve gehangen. Geven nae/ godes bort veerteyn hundert iar dar nae in deme vyff unde sestigesten jare, ame dinxsedaghe nae/ sunte Johannis daghe to middensommer.
Index-Gruppe
GEOB
Harstede, Johann, Ew in Horn (1465)
PERS
Becker, Dedewerd, Bg in Bremen (1465-1472)
SACH
Varle, Hinrich von
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen