Identifikation
Titel
Knappe Robe Westerholt, seine Frau Heylewig und seine Söhne Gerd und Syvert verkaufen mit Zustimmung der Mutter Heylewig Westerholt dem Kloster Lilienthal für elf und eine halbe Mark den Zehnt über zwei Stücke in Harmenhausen (Groten Harmhusen) an dem Westerfeld, die von Maes von der Berne und Hinrich von dem Campe bewirtschaftet werden, und bestätigen den schon zuvor getätigten Verkauf des halben Zehnten dort.
Ausfertigung Pergament, 34 x 22 cm. - Rep. 3 Lilienthal, Nr. 391. - 4 Siegel angehängt: 1. St. Ansgarikapitel zu Bremen, 2. Robe Westerholt, 3. Gerd Westerholt, 4. Syvert Westerholt. - Rück vermerk: To Harmhusen (15. Jh.)
Wy Robe Westerholte, Heylewych, siin echte husvrouwe, Gherd unde Syvert, ere sones, knapen, bekennet/ unde betughet openbare in dessem breve, dat wy myt willen unde vulbord vrouwen Heylewighes, unser leven/ moder, Gherdes vrouwen Westerholten, deme got ghenade, unde alle unsser rechten erven, der ere willen unde/ vulbord van rechte dar to horet, eendrachtliken hebbet vorkofft unde vorkopet in dessem breve to eneme steden/ rechten vasten ewighen ervekope der erbaren ghestliken vrouwen vorn Lutgarde, ebbedisschen des closters/ sunte Marien to deine Liliendale, des ordens van Cisters, in deme stichte to Bremen, deme gantzen con/ vente des sulven closters unde allen eren nacomelingen den tegheden over twe stucke gheleghen uppe deme/ velde to Groten Harmhusen an deme Westervelde, der dat ene nu to tyden buwet Mas van der Berne unde dat/ ander buwet Hinrick van dem Campe, beyde grot unde smal, myt aller rechticheit unde tobehoringe vor twelf/ te halve Bremere marck, de uns na willen degher unde all betalet sint. Vortmer den gantzen halven tegheden to Groten Harmhusen, also den unse moder vrouwe Heylewich tovoren myt unssen willen vorn Greten,/ der olden ebbedisschen, vorkofft hedde, so de breve wol utwyset, de wy unde unsse erven en dar up
Laufzeit
25.06.1423
Enthält
ghegheven/ hebbet unde beseghelt myt aller rechticheit unde tobehoringe an wurden unde an weren, grot unde smal, also/ he oldinges hört hadde Rotberte van der Dighorst, to eneme steden rechten vasten ewighen ervekope. Unde/ wy Robe, Heylewich, Gherd, Syvert unde vrouwe Heylewich, alle vorbenompt, hebbet en ghelaten unde latet/ in dessem breve der vorbenomden vrouwen Lutgarde ebbedisschen, deme gantzen convente des closters to deme Lili/ endale unde eren nacomelingen des vorscreven tegheden over de twe stucke unde den gantzen halven teghe/ den to Groten Harmhusen, beyde grot unde smal, in ere hebbende besittende brukelike were, so men eghendom/ unde besittinge tegheden in ervegude van rechte to latende plecht. Unde wy Robe, Heylewich, Gherd unde/ Syverd unde vrouwe Heylewich, alle vorbenompt, unde unsse rechten erven lovet myt samender hand in gu/ den trouwen, dat wy scullet unde willet der vorbenomden vorn Lutgarde, ebbedisschen, deme gantzen convente/ des closters to deme Liliendale unde eren nakomelingen des vorscrevenen tegheden over de stucke twe unde des/ gantzen halven tegheden to Groten Harmhusen, beyde grot unde smal, myt aller rechticheit unde tobehoringe/ rechte warende wezen, wanne, wor unde wo dicke en des not unde behuff is unde zee dat van uns esschet/ edder esschen latet. Dat desse vorscreven ewighe ervekop des vorscreven tegheden, beyde grot unde smal, stede/ vast unde unvorbroken werde holden sunder yenigherleye weddersprake, hulperede unde arghelist, so hebbe/ wy Robe, Gherd unde Syvert vorbenompt unse ingheseghele vor uns unde vor unsse erven, boren unde ungheboren,/ tovoren hanghen to dessem breve. Unde wy Hinrick Grönland, deken, unde capittel der kercken sunte An/ scharii binnen Bremen, went desse vorscreven ewighe ervekop witliken vor uns bekand is, so hebbe wy unses/ capittels ingheseghel umme bede willen Roben vorbenompt mede hangen to dessem
breve. Datum anno domini/ millesimo quadringentesimo vicesimo tertio, crastino die Nativitatis beati Iohannis baptiste.
Index-Gruppe
GEOB
Bremen, kichliche Konvente, Ansgari
PERS
Berne (Beren, Berna), Maes von der, Ew in Harmenhausen (1406-1431)
SACH
Bremen, kirchliche Konvente, Ansgarikirche-Ansgarikapitel
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen