Identifikation
Titel
Kersten von Wersebe genannt Vosloge verkauft für einundzwanzig Mark der Heilwig Schritschen zu Rade und ihren Söhnen Hermann und Johann ein Viertel auf der Hofschlage zu Stellerbruch, Grothe Verdendel genannt, das Heinrich von den Horn bewirtschaftet.
Ausfertigung Pergament, 27 x 17,5 cm. - Rep. 3 Lilienthal, Nr. 285. - 6 Siegel angehängt, fehlen. - Pergament war vorher wohl anders verwendet, denn von der Plica begonnend läuft der folgende Text nach hinten: mere af/te tou scaden wezen. Rückvermerk: To den Stellerbroke eyn verdel geheten dat Grote ffelde (15./16. Jh.) - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 223. - Druck: Pratje, Altes und Neues 5, S. 345.
Ik Kersten van Wersebe anders gheheten Vosloghee bekenne unde betoughee openbare in dessen breoue vor/ allen ghouden louden, de ene zeet afte horet lezen, dat ik mid willen unde mid volbord al miner rechten/ anerouen, bornen unde anebornen, hebbe vorkoft unde vorkope tou eneme rechten steden eroue kopee/ ewyehliken tou bezittene unde tou broukene vorn Heylwyghee Scritschen tou Rode, Hermene, Johanne,/ eren sonen, unde eren rechten anerouen, bornen unde anebornen, enen verdendel landes, de ghele/ghen is uppe der Hofsclaghee tou Stellerbrokee unde gheheten is de Grothe Verdendel unde nou tho/ tyden bouwet Hinric van den Horne, an velle, an wathere, an weyde, an more mid aller rechthegheyt, de/ dar tou horet, vor en unde twyntych Bremer mark ghelt, alzo ghinghee unde gheve is uppe der wessele/ in mounthe unde in tale, unde sint mi degher unde al wol betalet de en unde twyntych Bremer mark,/ de leste penningh mid den ersten, de erste mid den lesten. Des vore screvenen benomeden verdendel/ landes scal ik unde wille Kersten van Werzebe unde mine rechten anerven em en recht warent wesen,/ wanner, wo dycke see des behovet, vor Heylwych Scrytschen, Hermen, Johan, eren sonen,
Laufzeit
26.12.1392
Enthält
unde ere rech/ten anerven sounder jenegher hande arghelist. Alle desse vorescrevenen ding, de hir vore scre/ven stat unde nomet sint, de love ik tou voren Kersten van Werzebe vore enen sakewolden unde/ Johan van Werzebe de oldere unde Merthen van Werzebe unde jounghee Johan van Werzebe unde Luder unde/ Hinric van Werzebe, myne vedderen, see mid mi unde ik mid en, mid samender handen trouwen vor/ Heylwyghee Scritschen, Hermene, Johanne, eren sonen, unde eren rechten anerven stede unde/ vast tou holdene unde ounvorbroken sounder jenegher hande houlperede, nyevonde unde al arghelist/ utghezeghet, de der vorescrevenen vorn Heylwyghee, Hermene, Johanne, eren sonen, unde eren erven/ moghen tou hindere afte tou scaden komen in den vore screvenen verdendel landes unde hebbene/ em ghelaten unde satet vor deme kerspele tou Nyenkerken uppe deme kerchove ewyehliken/ unde joummer. Tho ener meren betouginghee unde tou ener rechten warscop alle desser vore scr/evenen ding so hebbe ik Kersten van Werzebe touvoren min inghezeghel ghehanghen an dessen/ bref unde Johan van Werzebe de oldere unde Merthen unde jounghee Johan unde Louder unde Hinric/ alle gheheten van Werzebe tou ener rechten warscop ok uze inghezeghele ghehanghen an dessen/ bref. Datum anno domini Mo CCCo nonaghesimo tertio, in die Stephani.
Index-Gruppe
GEOB
Hofschlage (Hofsclaghe, Hofsclaghee), FN in Stellerbruch
PERS
Grote Verdende (Grote Verdendeyl), FN in Stelle
SACH
Stelle, Diderke von
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen