Identifikation
Titel
Friedrich Brutte verkauft dem Kloster Lilienthal für einundzwanzig Mark ein aus zahlreichen Einzelstücken bestehendes halbes Viertel und eine doden breden auf dem Uthleder Feld.
Ausfertigung Pergament, 30 x 19,5 cm. - Rep. 3 Lilienthai, Nr. 405. - 4 Siegel angehängt: 1. Friedrich Brutte, 2. Merten Brutte, 3. Sivert Brutte, 4. Johann Brutte. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 283 nach +Kopiar Lil. II, 149, Nr. 292.
Ik Frederik Brutte bekenne unde betughe openbare an dessen breve vor al den ghenen, de ene zeed ofte horet lesen, dat ic myt/ willen unde vulborde Lucken, myner husvrouwen, unde myt willen unde vulborde Mertens Brutten, mynes broders, unde Siverdes unde Jo/hannes Brutten, zyner sones, unde al unser rechten erven unde al der ghenen, den id antred ofte antreden mach, hebbe vorkoft unde vorko/pe an dessen ieghenwardighen breve to eyneme rechten vasten steden ewighen erve kope ewiliken to brukende unde to bezittende der/ erbaren geystliken vrouwen vorn Lutgarde, ebbedischen, unde al eren nakomelinghen unde deme gantsen convente des closteres zunte/ Marien to deme Lyliendale, gheleghen an deme stichte to Bremen, vor eyn unde twintich Bremer mark, also vor der wesle to Bremen ghin/ghe unde ghcve zint, de my degher unde al na willen zint wol beret, eynen halven verdendel uppe den Uthleder velde, beyde an geyst/ unde an mersch, zeven stucke uppe der geyst, beyde luttik unde grot, unde eyne doden breden, dede licht by Ludere van Gherlstede an der/ neghesten vore, eyne zantwisch an der mersch, eyne breden tieghen der hoffstede, eynen dikcamp achter den broke, eynen acker/ nicht vere van der Luttiken pipen to broke wert, dede schut uppe de grave, eyne ersbreden de licht by Luder Hunde, eyne eyde/ wisch de licht by Ludere van Stendorpe an eyner vore, eynen halven kerf acker, dede schut tieghen Olrike, eyn stucke an
Laufzeit
23.03.1427
Enthält
deme/ overen wanne, eyne breden an den Middelcampe, de schut tieghen Luder Hunde in den Dikcamp, eynen halven strengh uppe der/ hove, dede licht an den zees halven strenghen. Unde wy Frederik Brutten, Merten, myn broder, Sivert unde Johan, zyne zones, unde al/ unse rechten erven scholet unde willet an dessen vorscreven halven verdendele landes unde an der doden breden unde an deme eghen/dome unde an aller rechticheyt unde tobehoringhe neyner leye anclaghe ofte ansprake mer an hebben unde ok nicht rechtes ed/der eghens to ewighen tyden. Vortmer desses vorscreven gudes unde halven verdendel landes unde der doden breden unde den eghendom/ rayt aller rechticheyt unde tobehoringhe wille wy Frederik, Merten, Sivert unde Johan vorscreven unde al unse rechten erven den/ vorscreven clostere rechte warende wesen vor boren unde ungheboren unde vor al den ghenen, den id antred ofte antreden mach,/ wanne unde wor unde wo dicke em des nod is unde ze dat van uns eschet edder eschen latet. Dat wy dyt gut hebbet up ghe/laten unde up latet an dessen ieghenwardighen breve den vorbenomden clostere uth unser were an ere were unde bezittinghe/ also men vries erve gudes to rechte latende plecht uppe deme kerchove to Uthlede vor deme kerspele, dat love wy em an/ guden truwen stede vaste unde unvorbroken to holdene zunder ienigherleye nyevunde, hulperede unde arghelist. Unde hebbet/ desser vorscreven stucke to tuchnisse witliken unde myt guden willen unde myt beradenen mode unse inghezeghele hanghen/ to dessen breve, dede gheven unde screven is na gode bort verteyn hundert iar dar na an deme zeven unde twinteghesten/ jare, des sondaghes vor Unser leven vrouwen daghe an der Vasten.
Datierung: 1427 März 23, Uthlede
Index-Gruppe
GEOB
Dickamp (Dikcamp), FN in Uthlede
PERS
Brutte (Brute, Brutten), Friedrich, Mn d. Lucke (1427)
SACH
Brutte, Friedrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys