Identifikation
Titel
Borchard Pape und seine Söhne Friedrich und Johann, Knappen, verpfänden mit Zustimmung ihres Vettern Maes von der Berne dem Bremer Bürger Luder Groven für sechsunddreißig Mark wiedereinlösbar den Hof in Krögerdorf (hof tom Kroghe) mit einem Geren, drei Stücken durchs Feld und drei Stücken zu Harmenhausen (Groten Harmhusen), ohne den Zehnten. Sie sollen weiter aus diesen Stücken die Rente von drei Mark erhalten, Mehreinnahmen müssen sie jedoch abgeben.
Ausfertigung Pergament, 28,5 x 20 cm. - Rep. 3 Lilienthal, Nr. 363. - 5 Siegel angehängt, 2., bis 5. fehlen, 1 Siegel davon als Bruchstück lose anliegend: 1. Borchard Pape, von grünem Wachs.
Wy Borchard Pape, Frederick unde Johan, syne sones, knapen, bekennet unde betuget openbare in dessem breve, dat wy myt willen unde vulbort Mazes van der Berne, unses vedderen, unde alle unser rechten erven hebbet ghesatet unde satet/ in dessem breve to ener rechten sathe deme bescheydenen manne Luder Groven, borgere to Bremen, synen rechten erven/ unde deme holdere desses breves sunder ere weddersprake vor ses unde dertich Bremere mark, also to Bremen vor der wessle/ ghinge unde gheve sind, de uns to willen degher unde all betalet sind, unsen hof tom Kroghe myt ener gheren myt/ dren stucken dor dat velt unde myt dren stucken to Groten Harmhusen myt ackere, buwet unde ungebuwet, myt/ watere, myt weyde, myt eren slachten nut, myt aller rechticheit unde tobehoringe, nicht utesproken sunder den tege/den, aldus beschedeliken, dat se de renthe unde thinse dar heel unde altomale utboren schullen des jares. Men wes/ se dar meer utboren den dre mark des jares, dat schullen se uns betalen also to Bremen dat korn denne gheldet./ Were ock dat se de dre mark gheldes dar nicht utboren enkunden, so schulle wy unde unsse erven en dat yo ut/ maken. Unde wy hebbet en ghelaten in gherichte vor deme lande unde latet ock in dessem breve de
Laufzeit
27.06.1417
Enthält
besittinge des vor/ screven gudes in ere hebbende besittende brukelike were, also men besittinge ervegudes von rechte to latende plecht./ Unde wy Borchard Pape, Frederick unde Johan, syne sones, unde Maes van der Berne vorbenompt unde unse rechten/ erven schullet unde willet deme vorbenompden Luder Groven, synen erven unde deme holdere desses breves sunder ere wed/dersprake des vorscreven gudes rechte warende wesen, wanne, wor unde wo dicke en des not unde behuff is unde se dat/ van uns esschet edder esschen latet. Ock mach unsser een deme anderen wy en edder se uns de losinge des vorscreven/ gudes kundeghen in den hilghen twelef dagen to Wynachten alle jar, wanner wy willen edder ze willen unde/ denne to sunthe Peters daghe, also he uppe den stol quam, dar negest volgende schulle wy unde willet en de/ vorscreven ses unde dertich Bremer mark to willen degher unde all betalen myt reden penningen sunder hinder unde lenger/ vortoch. Scheghe dar yenich hinder edder brake ane, dat queme to wo yt to queme, so schulle wy Borchard,/ Frederick, Johan unde Maes vorbenompt unde willet bynnen achte dagen dar na, wen wy van en dar umme ghemanet/ werdet, samentliken to Bremen komen in de stad unde holden en dar eyn recht inlegher unde dar nicht ut dages edder/ nachtes, wy en hebben en allen hinder unde brack degher unde all vorvullet unde dar to de vorscreven ses unde dertich/ Bremer mark to willen degher unde all betalet to eren willen. Alle desse vorscreven stucke unde der eyn yewelick/ bysunderen love wy Borchard Pape, Frederick, Johan, syne sones, unde Maes van Berne alle vorbenant, myt samender/ hand in guden truwen unde sweret unde hebbet ghelovet unde sworen myt upgherichten vingeren stavedes edes in/ den hilghen den erghenomden Luder Groven, synen rechten erven unde deme holdere desses breves sunder ere/ weddersprake stede vast unde unvorbroken to holdene sunder
yenigherleye weddersprake, hulperede unde ar/ghelist. Des to tughe hebbe wy Borchard, Frederick, Johan unde Maes, alle vorbenompt, unse inghesegele/ witliken vor uns unde vor unsse erven hangen tovoren to dessem breve. Unde wy swornen des ghantzen/ landes in deme Stedingelande hebbet unse ingheseghel unsses landes umme bede willen der vorbenomden/ Borchardes, Frederikes, Johans unde Mazes to merer betuchnisse mede hangen to dessem breve, de gheven/ unde screven is na godes bord verteyn hundert jare na deme soventeynden jare, des neghesten/ sondaghes na sunte Johans daghe baptisten to myddensomer.
Index-Gruppe
GEOB
Harmenhausen (Groten Harmhuzen, Harmhusen, Hermenhusen, Lutke Hermehusen), ON in Gm. Berne
PERS
Berne (Beren, Berna), Maes von der, Ew in Harmenhausen (1406-1431)
SACH
Pape, Borchard (de)
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen