Identifikation
Titel
Otte von dem Broke verkauft mit Zustimmung seiner Frau Alheid, seines Vaters Volquer und seines Sohnes Johann dem Kloster Lilienthal für acht Mark wiederkäuflich eine jährliche Rente von achtzehn Groten in seinen drei zeoten ekes wurden [in Neuenkirchen].
Ausfertigung Pergament, 40 x 18 cm. - Rep. 3 Lilienthal, Nr. 482. - 8 Siegel angehängt, 2., 3., 4., 6. und 8 fehlen: 1. Otte von dem Broke, 5. Johann von dem Broke, 7. Claus von dem Broke. - Rückvermerk: To Nyenkercken (15./16. Jh.). - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 322 nach +Kopiar Lil. II, 149, Nr. 211.
Ik Otte van deme Broke bekenne unde betughe openbear in dessem breve, dat ik myt willen unde vulborde Alheide, myner echten vrowen, Volquers, mynes vaders, Johans, unses/ sones, alle unser erven unde alle der ghenner, der ere wille unde vulbord dar to horet, hebbe vorkoft unde vorkope ieghenwardich in dessem breve to enem rechten steden vasten ewighen/ ervekope der ersamen ghestliken vrowen Alheide, ebdischen, Ghezen, priornen, deme gantzen convente des closters sunte Marien tom Lyliendale, des ordens van Cisters, in deme stichte/ to Bremen, unde eren nakomelinghen vor achte Bremer mark, so to Bremen vor der wessele ghynghe unde gheve synt, de my to willen wol betalet synt, jarliker rente achteyn grote gheldes/ in mynen dren zeoten ekes wurden, nicht utghesproken, van rechtes ewighen ervekopes wegene vrigliken to hebbende, to brukende unde to bcsittende. Unde de vorscrevene jarlikes rente/ schole wy unde unse erven ofte we de vorscrevene weurde in besittinghe edder in weren hebben, en betalen in deme vorscrevenen clostere reken unde unbeworen twischen sunte Mertens daghe/ unde deme hillighen avende to Wynachten, unde teyn grote der vorscrevenen rente scholen komen to des conventes altare in deme luttiken kore to luchte unde de achte grote to deme bylde
Laufzeit
22.11.1447
Enthält
Unser le/ven vrowen uppe deme keore. Unde wy hebben en ghelaten uppe deme kerchove to Nyenkerken vor deme kerspele unde laten ieghenwardich in dessem breve den eghendom unde besittinghe der/ vorscrevenen rente in den ergenanten wurden in ere hebbende besittende brukelike were, so men eghendeom unde besittinghe rente in erveguden van rechte to latende plecht. Unde ik Otte, Volquen/ unde Johan vorbenant unde unse erven scholen unde willen der ergenanten vrowen Alheide, ebdischen, Gheze, priornen, deme gantzen convente vorscreven unde eren nakomelinghen der ergenanten/ jarliken rente in den vorbenanten weurden rechte warende wesen vor allerleye ansprake ghestlik edder werlik vor boren unde ungheborn, wanner, wor unde wo dicke en des neot/ unde behof is unde ze dat van uns eschen edder eschen laten. Ok zo hebbet ze uns unde unsen erven de gnade ghegheven, dat wy de vorscrevene jarlikes rente moghen wedder kopen/ bynnen den neghesten twyntich iaren to allen sunte Peters daghen, alze he uppe den steol gheset wart, vor de vorbenanten achte Bremer mark alle iear, wanner wy willen, wo wy/ en den wedderkeop vorkundighen in den hilghen twolf daghen to Wynachten, de den vorscrevenen sunte Peters dach neghest vorgande synt. Were ok dat wy de vorscrevene rente in den/ neghesten twintich iaren alzo vorscreven ys nicht wedder en koften, so schole wy dar nenen wedderkeop mer an hebben, men id schal ere rechte kofte keop bliven to ewighen tiden./ Scheghe hiir ienich hinder edder ghebreek an, alzo dat en de vorscreven rente bynnen den neghesten twintich jaren nicht betalet wurde alzo vorscreven ys, alzo vakene alze wy de vorscrevene/ rente nicht betaleden, so dicke schole wy unde unse erven ofte we de wurde in besittinghe edder in weren hebben unde de vlocken unde vlusen en de rente twevolt betalen/ to ener iewelken tiid unde dar en schole wy nens ghestlikes edder werlikes rechtes
ieghen bruken ienigherleye wis. Alle desse vorscrevenen stucke love wy Otte, Volquen unde/ Johan ergenant, vor uns, unse erven unde alle de ghenne, der ere wille unde vulbord dar to horet, in guden truwen stede vast unde unvorbroken to holdende sunder ienigher/ leye weddersprake, hulperede, nyevunde edder arghelist. Des to mererer betuchnisse hebbe wy Otte, Volquen unde Johan vorbenant, vor uns, unse erven unde alle de ghenne,/ der ere wille unde vulbord dar to horet, unse rechten inghezeghele witliken unde myt guden willen ghehanghen to dessem breve. Unde wy Hinrik, Johan, Borchard unde Cla/wes, brodere alle gheheten van deme Broke, unde Johan de Meyger bekennen ok unde betughen, dat wy dessen vorscrevenen ewighen ervekop mede ghehandelt unde deghedinghet/ hebben. Des to mererer bekantnisse hebbe wy unse inghezeghele ok umme bede willen mede ghehanghen to dessem breve. Ghescreven na godes bord dusent veerhundert jear/ dar na in deme seven unde veertighesten jare, in deme daghe sunte Cecilien der hillighen juncvrowen unde mertelerschen.
Datierung: 1447 November 22, Neuenkirchen
Index-Gruppe
GEOB
Broke (Brocke), Hinrich van dem (1434-1447)
PERS
Alheyd, Äbtissin Kloster Lil. (1439-1462)
SACH
Broke, Claus von dem
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen